De aquí a pouco comezará na Casa da Achada-Centro Mário Dionísio a mostra de documentais Olhares da Fronteira, ofrecendo diferentes visións sobre a fronteira entre Galiza e Portugal.


A “Raia”, que só recentemente deixou de existir, condicionou durante moito tempo a relación entre dous pobos que compartían a mesma lingua e cultura. Esta é unha realidade próxima para os galegos, mais case descoñecida para os habitantes da afastada capital portuguesa.


Ao evento asistirán as directoras Maria Júlia Fernandes e Diana Gonçalves, autoras dos documentais Galegos de Cá e Lá e Mulleres da Raia.

O ciclo, de entrada gratuíta, comeza o venres 16 de abril ás 18:00, e terá continuidade o sábado 8 de maio. Os filmes serán proxectados na Casa da Achada, Largo da Achada 11, Zona Mouraria (perto da saída dos Metros de Martim Moniz-Praça da Figueira).