O pasado 11 de maio, na Faculdade de Letras da Universidade de São Paulo tivo lugar a conferencia “A lingua histórica galego-portuguesa: variación e norma”, dictada (e en partida dobre, ás 10h e 19:30h.) polo profesor Xoán Lagares Díez, docente da Universidade Federal Fluminense e membro do Núcleo de Estudos Galegos desta universidade carioca.

O evento envolveu os oito grupos de 1º ano da carreira de Letras-Português, que encheron o anfiteatro da facultade de Historia en sesións de mañá e tarde e que protagonizaron animadas quendas de preguntas despois das conferencias.

Só nos resta esperar que a semente do interese polo galego abrolle entre estes futuros filólogos brasileiros, así como agradecer ao prof. Lagares a súa sempre amable disponibilidade para cooperar coas actividades da Cátedra de Estudos Galegos da USP, na nosa común angueira de facer visible a cultura galega en terras do Brasil.